Ambasada e SHBA në Tiranë ka shpjeguar ditën e sotme se si do të funksionoja Byroja Kombëtare e Hetimit (BKH).
Njësia hetuese dhe një nga dy elementet e SPAK do të veprojë në mënyrë të ngjashme me FBI-në amerikanë dhe do të hetojë korrupsionin në nivele të larta dhe krimin e organizuar.
Gjithashtu në njoftimin e postuar në rrjetet sociale ambasada shprehet se SHBA ka dhënë 4 milionë dollarë për BKH-në, të cilat do të përdoren në mbështetje të përpjekjeve të Shqipërisë për zhvillimin e sistemit etik, transparent dhe profesional të drejtësisë që qytetarët e saj meritojnë.
REAGIMI I PLOTE I AMBASADES:
Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Këtë javë, mësoni se si Byroja Kombëtare e Hetimit (BKH), njësia hetuese dhe një nga dy elementët e SPAK, do të veprojë në mënyrë të ngjashme me FBI-në amerikane dhe do të hetojë korrupsionin në nivele të larta dhe krimin e organizuar. Elementi i dytë i SPAK, Zyra e Prokurorit të Posaçëm ose SPO, do të çojë në gjykatë çështjet e hetuara nga SPAK. Kjo video tregon se si 4 milionë dollarë që Qeveria e Shteteve të Bashkuara ka dhënë për BKH-në, do të përdoren në mbështetje të përpjekjeve të Shqipërisë për zhvillimin e sistemit etik, transparent dhe profesional të drejtësisë që qytetarët e saj meritojnë.
