Dhunoi barbarisht vajzën e saj/ Gjykata e Sarandës u jep urdhër mbrojtje dy fëmijëve të mitur

Pak ditë më parë, një ngjarje e rëndë, ku një 41 vjeçare shihet duke rrahur vajzën e saj të mitur, tronditi opinionin publik.

Gjykata e Sarandës ka caktuar urdhër mbrojtje për dy fëmijët e mitur të Elisabeta Metës, e cila u denoncua përmes një videoje duke dhunuar dhe sharë vajzën 13 vjeçare. Gjithashtu, gjykata ka dhënë masën e sigurisë arrest me burg dhe ka vendosur që bashkëjetuesi i Elisabetës, shtetasi Arjan Mekollari, të largohet nga banesa pasi aty do të qëndrojnë dy fëmijët e mitur bashkë me prindërit e Elisabetës.

Dy prindërit e 41 vjeçares që jetojnë në Fier, do të zhvendosen në Sarandë pasi është parë e arsyeshme që të qëndrojnë në qytetin bregdetar sepse vajza 13 vjeçare është në shkollë.

Mësohet se gjyqtarja Nevrie Duka ka vendosur që dy fëmijët e Elisabeta Metës, vajza nga martesa e parë e saj dhe djali nga bashkëjetesa me Arjan Mekollarin, të qëndrojnë me gjyshërit, prindërit e 41 vjeçares.

41 vjeçarja është braktisur nga familjarët e saj të cilët nuk kanë marrë pjesë fare gjatë dhënies së vendimit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern