Dhuna “kafshërore” ndaj vajzës së mitur, nëna lihet në burg

Gjykata e Sarandës, ka lënë në burg 41-vjeçaren Elisabeta Mita. Sipas informacioneve mësohet se gjyqtarja Enkeleda Doda ka vendosur masën e “Arrestit me burg” për Mitën, pasi ndaj saj rëndojnë akuzat e dhunës së vazhdueshme ndaj vajzës se saj të mitur.

Kujtojmë, që dhuna psikologjike dhe fizike e 41-vjeçares u publikua ne një emisionin investigativ disa ditë më parë ku më pas ndaj nënës dhunuese, nisi hetimi nga ana e Prokurorit Elidon Hysenaj.

Seanca e masës së sigurisë është zhvilluar me dyer të mbyllura, ndërsa nuk ka qenë askush nga të afërm të të pandehurës në mjediset jashtë gjykatës.

Dhuna e Elisabeta Mitës ndaj vajzës së saj u denoncua nga bashkëjetuesi i 41-vjeçares, Arjan Mekollari.