Pasditen e kësaj të enjte u shënuan dy viktimat e para për vitin 2020. Burime nga policia bëjnë të ditur se shpejtësia tej normave të lejuara u mori jetën një çifti bashkëshortësh teksa po kalonin vijat e bardha.
Duke iu referuar të njëjtave burime, mësohet se ngjarja e rëndë u shënua rreth orës 15:15, në zonën e quajtur “Xhamlliku”, në rrugën “Xhanfize Keko”.
Dy viktimat, një burrë dhe një grua, kanë qenë duke kaluar rrugën pranë vijave të bardha kur janë përplasur nga njëra prej makinave dhe si pasojë kanë humbur jetën.
Në aksident janë përshirë një makinë tip “Golf” ngjyrë blu me targa AA 758 YZ Golf ndërsa makina tjetër është një Volksëagen ngjyre gri me targa AA 544 SX. Sipas policisë njëri prej makinave me drejtues E.L fillimisht ka përplasur makinën tjetër me drejtues E.M dhe si pasojë kanë përplasur edhe dy këmbësorët, të cilët nuk kanë mundur tu mbijetojnë plagëve të marra.
