DEBATE/ Përfundon seanca për 15 të arrestuarit e tërmetit, detaje nga procesi

Në këto momente ka përfunduar seanca ndaj grupit të parë prej 15 personash ndaj të arrestuarve të tërmetit të 26 nëntorit.

Ndërkohë, gjatë këtyre orëve ka patur debate në sallën e gjyqit. Një pjesë e mbrojtësve të personave të akuzuar nga Prokuroria e Tiranës për tre vepra penale, kanë pretendime se janë arrestuar pa prova, si dhe kanë fare lidhje me veprat penale që akuzohen.

Dy prokurorët e dosjes, Alket Mersini dhe Erjon Imeraj, kanë ndryshuar qëndrim për disa prej të arrestuarve në lidhje me kërkesat e tyre.

Fillimisht, për pjesën e parë të të arrestuarve, janë kërkuar 14 masa “arrest me burg”, nga 15 në total. Në Penalen e Tiranës, ndërkohë, sapo ka filluar procesi i grupit të dytë, prej 16 personash. Edhe për pjesën e dytë pritet që të zgjas për rreth katër orë të tjera. Pas përfundimit, gjyqtarja Vjollca Spahiu, do të jap vendimin për të gjithë të akuzuarit.

Mësohet se pas kësaj seanca, të akuzuarit janë marrë veçmas në pyetje ndërsa janë marrë deri tani nga 15 vetëm 10 prej tyre.

Për shkak të numrit të lartë të personave të arrestuar, gjyqtarja e çështjes është shprehur se të arrestuarit do të ndahen me grupe, dhe më pas vendimi do të jepet në mënyrë të njëkohshme për të gjithë. Kujtojmë se mes personave të arrestuar me urdhër të Prokurorisë së Tiranës, janë dhe ish kryetarët e Komunave Kashar dhe Farkë, si dhe ish-zyrtarë të tjerë lokalë.