Dalin EMRAT/ Dy punëtoret dhe pronarja, kush janë të plagosurat nga shpërthimi i fuqishëm në Yzberisht

Kanë dalë detaje të tjera nga shpërthimi që ndodhi sot në orët e para të mëngjesit në një byrektore në Yzberisht të Tiranës.

Ngjarja u regjistrua në lagjen “Tre dëshmorët” , ku mësohet se bombola e gazit ka shpërthyer në momentin që është hapur dera e biznesit.

Si pasojë janë plagosur pronarja Klodiana Simeci, punëtorja Ardiana Mesi si edhe një tjetër punëtore me iniciale M.P.

Mësohet se ato janë dërguar për në spital ku ndodhen jashtë rrezikut për jetën.

NJOFTIMI ZYRTAR I POLICISE

Rreth orës 07:25 në rrugën “3 dëshmorët” në një pikë që tregton prodhime brumi, ka shpërthyer një bombol gazi ku si pasojë është lënduar lehtë shtetasja K.S, bashkëpronarja e biznesit, si dhe dy punonjëset A. M dhe M. P.

Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes.