Qyteti i Beratit është pushtuar nga tymi dhe era e keqe. Shkak është bërë djegia e mbeturinave dhe gomave në lagjen periferike të qytetit, “Çlirimi”.
Kjo situatë vijon gjatë gjithë ditës së sotme, ndërsa shtëllungat e tymit janë ende prezentë. Ende nuk merr masa për situatën e krijuar, që rrezikon shëndetin e banorëve nëpërmjet përhapjes së toksinave në ajër.
Vendi ku digjen gomat dhe plehrat ndodhet pikërisht në anë të rrugës, në hyrje të qytetit të Beratit dhe edhe pse ka disa orë që vazhdon kjo situatë e rënduar, në zonë nuk është marrë asnjë për të parandaluar ndotjen e rëndë.
