Çfarë i ka ndodhur princ Lekës? Shfaqet i fashuar te spitali i Traumës (FOTO)

Trashëgimtari i Fronit Mbretëror në Shqipëri, Princ Leka Zogu është shfaqur mbrëmjen e djeshme në spitalin e Traumës në Tiranë.

Mësohet se ai ka përfunduar në spital pas një rrëzimi dhe ka lënduar njërën dorë.

Në foton e publikuar nga Newsbomb, ai duket që është shtrirë në një krevat, me dorën e djathtë të fashuar, teksa 3 mjekë po asistojnë në kurimin e tij.

Leka Zogu nuk ka pësuar dëme serioze dhe ndodhet në gjendje të mirë shëndetësore.

Ende nuk dihet ajo që ka ndodhur saktësisht, pasi vetë princi Leka dhe bashkëshortja e tij Elia Zaharia nuk kanë dhënë asnjë prononcim në lidhje me ngjarjen.