LIGJET E BIZNESIT
Ditën e sotme, Gjykata e Tiranës ka marrë vendimin për pushimin e çështjes së privatizimit CEZ. Duke iu referuar informacioneve, mësohet se vendimi është marrë nga gjyqtari Lazer Sallaku.
Gjithashtu mësohet se argumenti që ka dhënë gjyqtari Sallaku, ka qenë se nuk ka vepër penale në rastet e privatizimit, ndaj nuk duhet të vijojnë me hetimet.
Vendimi i sotëm i Gjykatës është marrë më shumë se një muaj pasi Prokuroria vendosi që të mbyllte çështjen në ngarkim të personave që ishin të kallëzuar.
Në një vendim në që mban datën 18 dhjetor Prokuroria e Tiranës vendosi mbylljen e hetimeve, pasi dhe më herët ka përpjekje për të mbyllur dosje. Më herët në datën 10 tetor, Prokuroria e Tiranës ka kërkuar që të pushohet çështja për Kastriot Ismailajn, administrator i kompanisë DIA, për mbledhjen e borxheve të CEZ-it.
Prokurori Sajmir Hysi kërkoi pushimin e çështjes për akuzën e falsifikimit të dokumenteve, me pretendimin se nuk ka prova të mjaftueshme, por në 13 dhjetor gjykata kërkoi rihetim, ndërsa sot dosja është mbyllur përfundimisht.
Në lidhje me dosjen pak ditë më parë reagoi dhe Sekretari i Përgjithshëm i Partisë Socialiste, Taulant Balla, i cili kërkoi rihetime dhe shtoi se shtetit shqiptari është shkaktuar një dëm financiar 418 milionë Dollarë nga ky privatizim.
