Në lidhje me zhvillimet politike të vitit që lam pas, kryeministri Edi Rama ka folur sot duke bërë kështu edhe një bilanc mes betejave të opozitës. I ftuar ditën e sotme më emisionin “Java” në RTSH, Rama ka folur dhe njëherë për diegien e mandateve të opozitës dhe zgjedhjet e reja, ku sipas tij do jenë me Partinë Demokratike dhe aleatët e saj kundërshtar.
“Ka rënë teza, “o ik o s’kemi punë me institucionet” dhe opozita ka kuptuar që ka vetëm një rrugë të përgatitet dhe të fitojë zgjedhjet. Por mbase unë jam pengesa më e madhe për të realizuar dëshirën e tyre për të shkuar në qeveri. Unë mendoj që opozita do marr pjesë në zgjedhje dhe nuk do ketë më parti politike që mund të bëj atë veprim që bëri PD”, u shpreh Rama.
Ndërkohë kreu i qeverisë foli dhe për akzuat që atij i janë bërë përgjatë vitit se ka shtyrë opozitën deri në aktin e fundit të djegies së mandateve. Ai u shpreh se nuk duhet të ndihet as fajtor dhe as i keqardhur, pasi qeveria gjithmonë lufton për dobësimin e kundërshtarëve me anë të mjeteve demokratike.
