LIGJET E BIZNESIT
Pas publikimit të raportit të organizatës ndërkombëtare Transparency International në lidhje me nivelin e korrupsionit të vendeve në botë, ku Shqipëria doli e 106-ta, ka ardhur dhe reagimi i kryetarit të Partisë Demokratike Lulzim Basha.
Duke komentuar faktin që Shqipëria ka pësuar një rënie prej 7 vendesh në krahasim me vitin 2018, Basha ka bërë fajtore qeverinë, pasi sipas tij korrupsioni i saj po e shkatërron ekonominë e vendit dhe po kalb atdheun.
REAGIMI I PLOTE I KRYETARIT TE PD LULZIM BASHA
Degradimi i skajshëm dhe kriminalizimi kapilar i qeverisjes Rama, është një realitet i hidhur që provohet qartë nga raportet më të besueshme profesionale të organizatave prestigjioze ndërkombëtare sikurse është Transparency International. Korrupsioni i kësaj qeverie po shkatërron ekonominë dhe po na kalb atdheun.
Sipas Indeksit të Perceptimit të Korrupsionit të realizuar nga kjo organizatë, për shkak të qeverisjes aktuale, Shqipëria po pëson një përkeqësim dramatik të gjendjes së korrupionit duke zbritur edhe 7 vende të tjera vetëm gjatë vitit të fundit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në mesin e 180 shteteve të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia.
