LIGJET E BIZNESIT
Ditën e sotme është arrestuar nga policia Mondi Voga nga Fushë Kruja, pasi është kapur me pistoletë pa leje me vete dhe me një makinë të blinduar me fenelina policie, pa lejen përkatëse.
Arrestimi i ish-shoferit të prokurorit të Durrësit Arjan Ndoja, është bërë në rrugën Vorë-Krujë pasi nga një kontroll i rastësishëm nga patrulla e Policisë Rrugore, janë konstatuar mangësi në dokumentacionin e makinë tip Lancia që ai drejtonte, e cila po ashtu ishte e blinduar dhe me fenelina policie. Nisur nga mangësitë në dokumentacionin e makinës dhe elementët pamor shtesë, pra fenelinat dhe blindimi i saj, efektivët e rrugores kanë kryer kontroll të imtësishëm.
Në çantën e dorës që 44 vjeçari Mondi Voga mbante me vete i është gjetur dhe një armë zjarri pistoletë pa leje, model TT. Menjëherë u bë arrestimi i tij në kushtet e flagrancës, për veprën penale “Armëmbajtja pa leje”, ndërsa automjeti i blinduar u sekuestrua ne ambientet e Drejtorisë Vendore të Policisë Tiranë, për veprime te tjera hetimore e procedurale.
Gjithashtu në automjet bashkë me Ndojën ndodhej dhe Landi Muharremi, i dyshuar si një nga eksponentët më të rrezikshëm të krimit në qarkun e Durrësit, i cili gjithashtu mbeti i plagosur rëndë.
Njoftimi i Policisë së Tiranës:
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Policia Rrugore e kryeqytetit, në vijim të kontrolleve parandaluese për aksidentet rrugore, verifikimin e automjeteve që përdorin sisteme pamore dhe zanore shtesë, si dhe në zbatim të planit të masave të DVP Tiranë për kapjen e personave në kërkim dhe atyre që qarkullojnë me armë zjarri, gjatë monitorimit të sjelljes se përdorueseve të rrugës, në rrugën interurbane Vorë-Krujë ka konstatuar në lëvizje një automjet që përdorte sisteme pamore shtesë dhe menjëherë është vënë në ndjekje të tij duke e ndaluar atë.
Gjatë kryerjes së veprimeve policore, drejtuesi i mjetit me iniciale M. V., 44 vjeç, nga Fushë Kruja rezultoi se drejtonte një automjet të blinduar pa autorizimin përkatës dhe me mangësi në dokumentacionin e mjetit.
Nisur nga mangësitë dhe përdorimi i sistemeve pamore shtesë, nga patrulla e Policisë Rrugore u bë edhe një kontroll i imtësishëm, gjatë të cilit, këtij shtetasi, në çantën e dorës iu gjet edhe një armë zjarri pa leje, e tipit TT. Menjëherë u bë arrestimi i tij në kushtet e flagrancës, për veprën penale “Armëmbajtja pa leje”. Automjeti i blinduar u sekuestrua ne ambientet e Drejtorisë Vendore të Policisë Tiranë, për veprime te tjera hetimore e procedurale. Ndërkohë, ky shtetas është ndëshkuar edhe me masën administrative “Tërheqja e lejes së drejtimit”, për përdorim të sistemeve shtesë dhe mungesë të dokumentacionit të automjetit të blinduar.
