Arrestohet 24-vjeçarja/ Konfliktohet me motrën, e qëllon me mjet prerës

Një ngjarje e rëndë mësohet të ketë ndodhur në Tiranë. Policia e Tiranës njofton se motra godet motrën dhe arrestohet në flagrancë. Shtetasja me inicialet A.Sh., 24 vjeçe, banuese në Greqi, në shtëpinë e prindërve, pas një konflikti të çastit për motive të dobëta, ka rrahur dhe më pas e ka goditur me mjet prerës motrën e saj 21-vjeçare. Kjo e fundit ndodhet në spital jashtë rrezikut për jetën.

Njoftimi i policisë:

Godet motrën, arrestohet në flagrancë 24-vjeçarja. Specialistët për Hetimin e Krimit në Komisariatin  e Policisë Nr.1 kanë arrestuar në flagrancë shtetasen A.SH., 24 vjeçe, banuese në Greqi. Kjo shtetase në shtëpinë e prindërve, pas një konflikti të çastit për motive të dobëta, ka rrahur dhe më pas e ka goditur me mjet prerës, motrën e saj, 21 vjeçare, e cila ndodhet në spital jashtë rrezikut për jetën. Në cilësinë e provës materiale u sekuestrua mjeti prerës.