Pas shkarkimit që iu bë nga posti që mbante në Bordin Mbikëqyrës të Bankës së Shqipërisë, mesa duket ish-ministri Arben Malaj nuk do të shkëputet nga angazhimi politik.
Pas shumë vitesh karrierë në këtë fushë, ai ka dhënë lajmin se ka pranuar ftesën e kryetarit Arben Duka për tu angazhuar në partinë Agrare Ambientaliste, në postin e këshilltarit strategjik për zgjedhjet e ardhshme.
Lajmin e ka bërë të ditur vetë Malaj me anë të një postimi në rrjetet sociale.
POSTIMI I PLOTE I ISH-MINISTRIT ARBEN MALAJ
Nje angazhim konkret me Partine Agrare Ambjentaliste. E mireprita ftesen e kolegut te nderuar Agron Duka per te kontribuar si keshilltar strategjik per platformen dhe organizimin e PAA per zgjedhjet e ardhshme parlamentare dhe lokale.
Keshillimi i kesaj partie te qendres se majte, me strategji te sukseshme, me krijon mundesi reale per te dhene kontribute pozitive per ta rritur fuqine elektorale te PAA dhe per ta ofruar PAA ne cdo aspekt te vlerave dhe misionit te saj politik me te gjelberit evropian, te cilet vleresohen sot si grupimi politik me progresiste dhe me influence te rritur ne qeverisjen vendore dhe kombetare ne shume vende te BE-se, por edhe ne institucionet e saj politike.
Te gjelberit ne zgjedhjet e fundit per parlamentin evropian fituan rreth 10 perqind te votave, duke marr nje status te rendesishem edhe per politikat ne nivel evropian. Suksese PAA! Mirenjohje cdo kolegu qe do te angazhohet per sfidat e PAA, si nje mundesi konkrete per zhvillime dhe ndryshime pozitive ne Shqiperi! Arbeni.
