LIGJET E BIZNESIT
Aksione antidrogë janë zhvilluar nga policia në këto momente në disa qytete të vendit.
Mësohet se numri i të arrestuarve deri tani ka arritur në shtatë persona. Burimet paraprake bëjnë me dije se ky grup kriminal ishte prej kohësh në përgjim nga policia pasi merrej me trafikimin e lëndëve narkotike.
Policia po vijon aksionin për arrestimin e personave të tjerë të dyshuar, por në momentin kur ka ndodhur operacioni i sotëm janë sekuestruar 60 kilogramë drogë në formë çokollate. Të arrestuarit janë ndaluar respektivisht 4 në Tiranë dhe 3 në Durrës, ndërsa po punohet për kapej e disa personave të tjerë të përfshirë në këtë grup kriminal.
Sipas informacioneve paraprake, mësohet se grupi kriminal drejtohej nga shtetasi Pajtim Aga, ndërsa janë arrestuar dhe shtetasit me inicialet SH.M. E.R dhe D.M.
Aksioni i madh antidrogë po zhvillohet njëkohëshisht në katër qytete të vendit, në Dibër, Tiranë, Durrës dhe Fier dhe po punohet për arrestimin e disa të tjerëve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
