Një aksident i tmerrshëm me pasojë vdekjen 2 personave ndodhi pasditen e djeshme në rrugën “Xhanfize Keko” në zonën e Porcelanit në Tiranë.

Dy mjete u përplasen me njëri tjetrin rreth orës 15:15 dhe për pasojë humbën jetën dy persona: Erion Balla 6-vjeç dhe një grua e moshës 72-vjeçe ishin duke ecur në trotuar pranë vijave të bardha kur u përplasën nga njëra prej makinave dhe si pasojë humbën jetën.

Ndërkohë që ditën e sotme është zbardhur një pjesë nga dëshmia e dy shoferëve të mjeteve, përkatësisht Edmond Murati dhe Etjon Lazri, të cilët u arrestuan ditën e djeshme pas aksidentit tragjik.

Nga testi që iu bë ka rezultuar se nuk kishin konsumuar alkool, ndërsa vijojnë hetimet.

Sipas burimeve mësehoet se ata kanë thënë para grupit hetimor se nuk e dinë sesi ka ndodhur aksidenti.

“Nuk e dimë si ndodhi, pamë vetëm kur u përplasëm”, mësohet se kanë thënë dy shoferët e arrestuar.

Kujtojmw se në aksident u përfshinë ‘Volkswageni New Beatle’ ngjyrë gri me targa ‘AA 544 SX’ që drejtohej nga Etjon Lazri që po lëvizte me shpejtësi duke përplasur ‘Golfin’ ngjyrë blu me targa ‘AA 758 YZ’ me drejtues Edmond Muratin që po tentonte të futej në majtas rrugës.

Nga shpejtësia si pasojë e përplasjes së ‘Golfit’, ‘Volkswageni New Beatle’ përfundoi jashtë rrugës duke përplasur për vdekje 36-vjeçarin dhe 72-vjeçaren.