Një aksident i rëndë është shënuar pak minuta më parë në zonën e Xhamllikut në Tiranë, në rrugën ‘Xhanfize Keko’. Sipas burimeve për “Fast News Albania” mësohet se një person ka mbetur i plagosur dhe dy të tjerë kanë mbetur të vdekur. Duke iu referuar njoftimit të policisë, mësohet se automjeti me drejtues E.L., është përplasur me automjetin me drejtues E.M. Këta të fundit janë shoqëruar në komisariat.
Aksidenti ka ndodhur në rrugën “Xhanfize Keko” rreth orës 15:15. Dyshohet se shkak i këtij aksidenti është shpejtësia tej normave të lejuara. Në aksident janë përshirë një makinë tip “Golf” ngjyrë blu me targa AA 758 YZ Golf ndërsa makina tjetër është një Volkswagen ngjyre gri me targa AA 544 SX. Sipas policisë njëri prej makinave me drejtues E.L fillimisht ka përplasur makinën tjetër me drejtues E.M dhe si pasojë kanë përplasur edhe dy këmbësorët, të cilët nuk kanë mundur tu mbijetojnë plagëve të marra.
Njoftimi i policisë
Rreth orës 15:15 në rrugën “Xhanfize Keko” automjeti me drejtues E. L, është përplasur me automjetin me drejtues E. M.
Si pasojë e përplasjes janë përshirë në aksident dhe dy këmbësor të cilët kanë ndërruar jetë në vendngjarje.
Dy drejtuesët e automjeteve E. L dhe E. M janë shoqëruar në komisariat për veprime të mëtejshme hetimore. Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe identifikimin e dy shtetasve që ndërruan jete.
Lajmi në përditësim
