A është Shqipëria në shënjestrën e Iranit? Ja çfarë thotë gjenerali amerikan

“Çdo mik i SHBA, për fat të keq konsiderohet si një shënjestër e Iranit”.

Kështu është shprehur sot gjenerali amerikan Michael Barbero, duke iu përgjigjur interesit të gazetarëve, ku u shpreh se Shqipëria duhet të jetë vigjilente në lidhje me këtë pjesë.

Barbero ndodhej në një takim në Tiranë për sfidat e sigurisë dhe deklaroi se vigjilenca duhet të jetë në përpjekjet kundër terrorizmit dhe kundër sulmeve kibernetike.

Pyetje: Mund të jetë Shqipëria shënjestër për Iranin në të ardhmen?

Michael Barbero: Fatkeqësisht çdo mik i SHBA apo aleati ynë mund të shikohet si një shënjestër. Për këtë vigjilenca është mjaft e rëndësishme veçanërisht në fushën kibernetike, pasi Irani ka disa aftësi mjaft të sofistikuara për sulmet kibernetike. Për këtë arsye Shqipëria duhet të tregohet mjaft vigjelinetë në përpjekjet kundër terrorizmit dhe kundër sulmeve kibernetike.

Gjenerali Barbero tha se NATO do të reagojë ndaj çdo sulmi që mund ti bëhet ndonjë vendi anëtar.

Michael Barbero:  Nuk mendoj se ka një konflikt global në horizont. NATO duhet të intensifikojë mbështetjen e operacioneve në Irak.  NATO është një aleancë që vazhdon të jetë e rëndësishme dhe vepron në mënyrë të përshtatshme. Mendoj që NATO do të reagojë  ndaj  çfarëdo lloj sulmi do ti bëhet ndonjë prej shteteve anëtarë të saj.