LIGJET E BIZNESIT
Tërmeti shkatërrimtar i mëngjesit të 26 nëntorit që goditi Shqipërinë, me magnidutë 6.4 të shkallës Rihter ishte më vdekjeprurësi për 2019 në të gjithë botën.
Kjo lëkundje me pasoja fatale shkaktoi 51 viktima dhe mbi 900 të plagosur.
Sipas faqes së njohur Wikipedia, e cila njihet ndryshe dhe si një nga enciklopeditë më të mëdhaja në Internet, tërmeti në Shqipëri renditet në vendin e parë përsa i përjket numrit të vdekjeve, ndërsa pas tij vjen ai i 25 shtatorit në Indonezi, Maluku me 41 viktima.
Në vendin e tretë ai 5.6 në Pakistan më 24 shtator me 40 viktima.
Pra fakti që mund të vihet re lehtësisht është se tërmeti i 26 nëntorit nuk hyn në 10 më të fuqishmit e 2019 për nga magnituda, por për nga numri i vdekjeve.
Wikipedia shkruan se tërmeti më i fuqishëm i vitit që lamë pas ishte ai i Perusë në 26 maj në Loreto i cili shkaktoi vetëm dy viktima, fuqia e tij ishte magnitudë 8 e shkallës Rihter.
Ndërsa ai i Papa Guinea-s me magnitudë 7.6 më 14 maj 2019 nuk shkaktoi asnjë viktimë. 10 tërmetet më të fuqishme të 2019 shkaktuan gjithsej 19 viktima, ndërsa vetëm ai i Shqipërisë shkaktoi 51.
