“Zyrtarë të përfshirë në shit-blerjen e votës në Krujë”, Bardhi: Në janar do të…

Në një prononcim për Top Channel, Gazmet Bardhi është shprehur se krimi elektoral është shtrirë deri në Krujë. Sipas Sekretarit të Përgjithshëm të Partisë Demokratike,  pas Durrësit dhe Dibrës, hetimet kanë nisur edhe në krujë për shit-blerje votash.

Teksa bën pohimin ai nuk dha detaje të mëtejshme se kush janë emrat e përfshirë për blerjen e votave.

“Ka zyrtarë të lartë në nivel qendror dhe lokal të PS që janë përfshirë në një skemë të manipulimit të votimeve nëpërmjet blerjes se votës apo përdorimit te emigrantëve për votime fiktive në zgjedhjet moniste të 30 qershorit”, u shpreh Gazment Bardhi.

Ai kërkoi nga Struktura e Posaçme Antikorrupsion që hetimet të mos ndalen vetëm në këto tre zona, por të shtrihen edhe në Tiranë, pas përgjimeve që dolën për “Zogun e Tiranës”, i cili po ashtu ishte i përfshirë në shi-blerje votash.

Gazment Bardhi paralajmëroi se në fillim të janarit Partia Demokratike do të drejtohet në dyert e SPAK për të bërë kallëzime për aferat korruptive të qeverisë.

“Në fillim të janarit do kemi depozitime të kallëzimeve nga PD për afera korruptive të kësaj qeverie”, tha Gazment Bardhi.