Zbardhet vendimi i qeverisë, ja sa prej grave të dënuara do të lirohen

Ministrja e Drejtësisë Etilda Gjonaj ka njoftuar se Këshilli i ministrave i ka propozuar Kuvendit lirimin e 28 grave që vuajnë dënimin në burgjet shqiptare ndërsa uljen me një të tretën e dënimit për 28 gra të tjera.

Gjonaj njofton gjithashtu se është propozuar edhe lirimi i 4 minorenëve të cilët momentalisht qëndrojnë në qelitë e burgjeve ndërsa 2 të tjerë përfitojnë sipas këtij drafti uljen e dënimit me 1/3.

Sipas saj, ky propozim pritet të miratohet nga Kuvendi ndërsa uroj që të dënuarit të rikthehen sa më shpejt në familjet e tyre.

Ndërkohë nga amnistia që është nxjerrë përmes projekt draftit të qeversë, sipas Gjonajt përfitojnë edhe disa nga të dënuarit meshkuj mbi moshën 60-vjeç si dhe burrat që u ka mbetur të kryejnë edhe dy vite heqje lirie.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern