Whatsapp është padyshim një nga aplikacionet më të preferuar edhe më të përdorur në të gjithë botën.
Por këtë herë ai vjen me një lajm të keq për të gjithë përdoruesit e disa llojeve të caktuar celularësh, më shumë për ata që kanë smartphone që operojnë me sistemin Windows.
Për momentin, aplikacioni është i përdorshëm në disa lloje smartphone-sh që operojnë me Windows, por pas 31 Dhjetorit nuk do të jetë më i disponueshëm.
“Nuk do të jeni në gjendje të përdorni aplikacionin në celularët që operojnë me sistem Windows pas 31 Dhjetorit”, deklaroi gjiganti i komunikacionit.
Por jo vetëm kaq. WhatsApp do të ndalojë së punuari edhe për disa smartphone që punojnë me Android dhe iPhones.
Që nga 1 Shkurti, personat që përdorin version 2.3.7 Android nuk do jenë në gjendje të krijojnë llogari të reja apo të riverifikojnë llogaritë ekzistuese. Ndërkohë edhe iPhone do të pushojë së punuari në versionet iOS 8 dhe ato më të vjetër
