Vrasja që tronditi Patosin, shkon në 2 numri i viktimave, si nisi sherri mes gardianëve të burgut, autori vrau kolegët (EMRAT)

Detaje të reja kanë dalë në lidhje me krimin e rëndë të ndodhur përpara pak minutash në Patos.

Si pasojë e një sherri në oborrin e Poliklinikës së Patosit, pas të shtënave me armë zjarri mbetën të vdekur dy persona, ndërsa autori u arrestua nga policia rreth 200 metra larg vendngjarjes.

Mësohet se viktimat janë : Elis Kapaj dhe Manol Rrapaj, ndërsa autori i vënë në pranga tashmë është Martin Skëndaj.

Fillimisht Elis Kapaj ka ndërruar jetë në vendin e ngjarjes, ndërsa Manol Rrapaj më pas në spital.

Sipas informacioneve, të tre këta persona, dy viktimat dhe autori janë gardianë në burgun e Fierit.

Bëhet me dije se të dy viktimat ishin pacientë të cilët kishin shkuar në poliklinikë për problemet e tyre.