LIGJET E BIZNESIT
Ditën e sotme policia ka ndaluar një 18-vjeçar të dyshuar si autor të vrasjes së 48-vjeçarit Flamur Duci, i cili u ekzekutua në afërsi të lokalit të tij në fshatin Mborje të Korcës.
I arrestuari mësohet se është shtetasi Denis Hoti, 18 vjeç, banues në fshatin Mborje dhe i dënuar më parë për veprën penale “Plagosje e rëndë me dashje”.
Sipas hetimeve, dyshohet se vrasja e 48-vjeçarit Duci, ka ardhur pas një sherri për motive të dobëta.
Burimet thonë se autori i krimit ka shkuar në lokalin e viktimës dhe fillimisht janë konfliktuar verbalisht.
Më pas kanë dalë jashtë te pjesa e oborrit. Pas sherrit me grushta, autori ka nxjerrë thikën duke e qëlluar disa herë. Si pasojë, Duci ka gjetur vdekjen menjëherë.
I dyshuari ka tentuar edhe të djegë viktimën, në përpjekje për të zhdukur gjurmët.
Burime konfidenciale thonë se sherri ka nisur për një femër.
Ndërkohë Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale ‘Vrasje me dashje’.
Ndërkaq, uniformat blu po vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.
NJOFTIMI ZYRTAR I POLICISE
Strukturat e Drejtorisë Vendore të Policisë Korçë në bashkëpunim me Prokurorinë pranë Gjykatës së Rrethit Gjyqësor Korçë, në vijim të punës për zbardhjen dhe dokumentimin e ngjarjes së ndodhur më datë 19.12.2019, ku në fshatin Mborje, pranë banesës dhe dyqanit të tij u gjet i vrarë shtetasi F.D., 48 vjeç, bënë të mundur kapjen dhe ndalimin e autorit të dyshuar të ngjarjes shtetasit:
Denis Hoti, 18 vjeç, banues në fshatin Mborje, i dënuar më parë për veprën penale “Plagosja e rëndë me dashje”.
Prokuroria e Rrethit Gjyqësor Korçë, bazuar në hetimet e kryera në lidhje me ngjarjen e mësipërme, ka urdhëruar ndalimin e këtij shtetasi pasi dyshohet se ka konsumuar elementë të veprës penale “Vrasja me dashje”.
Vijojnë hetimet për sqarimin e mëtejshëm, dhe zbardhjen e plotë të rrethanave të ngjarjes.
