Ditën e sotme Gjykata e Korçës ka dhënë masën e sigurisë për Devis Hotin, 18-vjeçarin i cili ran ë pranga për vrasjen e Flamur Duçit ditën e enjte.
Kështu Gjykata ka vendosur masën e sigurisë “arrest me burg” për Hotin.
Ai dyshohet se ka vrarë 45-vjeçarin Flamur Duçi në orët e para të mëngjesit të së enjtes, krim ky i ndodhur pranë lokalit në pronësi të viktimës.
Përpara trupit gjykues 18-vjeçari nuk e ka pranuar fajin duke u shprehur se është i pafajshëm.
Kujtojmë se ky i fundit u arrestua dy ditë më parë, dhe sipas informacioneve ai ka qenë i dënuar dhe për veprën penale “plagosje e rëndë me dashje.”
Sipas dyshime vrasja ka ndodhur për motive grabitjeje, por ende nuk është saktësuar nga grupi hetimor vijojnë hetimet pasi vetë autori ka dhënë dëshmi kontradiktore në polici.
Më herët 18-vjeçari dhe viktima Flamur Duçi kishin njohje miqësore dhe se ishin dhe komshinj me njëri-tjetrin.
