VIDEO/ Shpejtësi marramendëse në Sauk, policia heq 9 patenta në pak orë

Për të rritur sigurinë në rrugë dhe për të evidentuar shkelësit, Policia Rrugore ka vazhduar me kontrollet edhe gjatë natës.

Gjatë natës së kaluar kontrollet janë përqendruar në aksin Sauk-Teg ku brenda pak orësh janë pezulluar 9 patenta për tejkalim shpejtësie. Radari ka zbuluar shoferë që lëviznin me shpejtësi nga 147 km/orë deri në 162 km/orë.

“Shijoni fundjavën e mos fluturoni, të arrini aksidentin, apo të dorëzoni patentën. Prej orës 20.00 të mbrëmjes e deri tani 9 patenta të pezulluara për shpejtësi që varionte nga 147 km/h deri në 162 km/h, matur me radar.

Respektoni rregullat e qarkullimit rrugor që destinacioni juaj të jetë i sigurt e ju të shkoni bashkë me patentën tek familja, ajo ka nevojë për ju”, apelon mes të tjerave policia rrugore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern