Vendi në gjendje emergjence, Rama urdhëron shkarkimin e Arben Malajt nga Këshilli Mbikqyrës i BSH

Teksa pas tërmetit shkatërrimtar vendi është përfshirë në një emergjencë kombëtare,në Fletoren Zyrtare sapo është publikuar Vendimi për pezullimin e Arben Malaj si anëtar i Këshillit Mbikëqyrës të Bankës së Shqipërisë.

Propozimi ka ardhur nga kryeministri i vendit. Në vendimin, që mban datën 3 dhjetor, thuhet:

“Në mbështetje  të  nenit  100  të  Kushtetutës  dhe të pikës 1,  të  nenit  47,  të  ligjit nr. 8269,  datë 23.12.1997,  “Për Bankën  e  Shqipërisë”, të ndryshuar, me propozimin e Kryeministrit, Këshilli i Ministrave VENDOSI:

1. Z. Arben Malaj, anëtar i Këshillit Mbikëqyrës të Bankës së Shqipërisë, pezullohet nga kjo detyrë.
2. Propozimin Kuvendit të   Republikës   së Shqipërisë për shkarkimin  e z. Arben  Malaj  nga detyra  e  anëtarit  të  Këshillit  Mbikëqyrës  të  Bankës së Shqipërisë. Ky vendim hyn në fuqi  menjëherë”.