Vazhdon rënia e gurëve në aksin Elbasan-Librazhd, rrezikohen drejtuesit e automjeteve

Rrëshqitja e gurëve në aksin Elbasan – Librazhd në vendin e quajtur Murrash vazhdon të jetë shumë problematike duke shkaktuar rrezik për automjetet

Si pasojë e reshjeve të dendura të shiut gjatë orëve të fundit, rënia e gurëve në këtë aks ka vështirësuar qarkullimin për njëfarë kohë por më pas, subjekti që merret mirëmbejtjen e saj ka ndërhyrë duke dërguar në terren punonjësit që kanë bërë të mundur largimin e gurëve nga rruga.

Ndërkohë, raportohet nga terreni se për shkak të reshjeve të shiut, ky aks paraqet ende  rrezikshmëri të theksuar pasi vijon shembja e gurëve nga shkëmbinjtë anash saj.