U plagosën nga shpërthimi i granatës, momenti kur kryebashkiaku Tushe dhe sekretarja transportohen në spitalin e Traumës (VIDEO)

Kryebashkiaku i Lushnjes Fatos Tushe dhe sekretarja e tij Erisa Qalliu, janë dërguar drejt spitalit të Traumës në Tiranë, për një mjekim më të specializuar, pas shpërthimit të granatës në zyrën e Bashkisë.

Mësohet se Tushe ka mbetur i plagosur në shpatullën e djathtë dhe në këmbë.

Autori i këtij atentati sipas policisë është Gëzim Saraçi, i cili ka qenë më herët shofer në Bashkinë e Lushnjes, ndërsa ka pasur debate të herëpashershme me Tushen.

Sipas informacioneve 5 vjeçari Gëzim Saraçi ka qenë shofer i kryebashkiakut të mëparshëm të Bashkisë së Lushnjes Albert Sanxhaku, dhe në kohën kur në detyrë ka ardhur Fatos Tushe, ai është larguar nga puna.

Ende nuk dihet nëse ky ishte motive i ngjarjes së rëndë që tronditi Lushjen mëngjesin e sotëm.