U mërzit nga humbja? Elvana Gjata mbyllet në dhomë dhe nuk del më, shikoni si i la pas dere gazetarët (FOTO)

Mbrëmja e djeshme shënoi dhe mbylljen e edicionit të 58 të Festivalit të Këngës në RTSH.

Fituese u shpall Arilena Ara me baladën “Shaj” ndërsa në vend të dytë Elvana Gjata me këngën ritmike “Me Tana”.

Fillimisht Elvana u përfol si fituesja e festivalit, dhe mesa duket vendi i dytë ishte një surprizë jo vetëm për publikun por edhe për atë.

Pasi u shpall fituese Arilena, Elvana qëndroi në skenë deri në momentin kur moderatorja Alketa Vejsiu mbylli spektaklin, ku dhuroi duartrokitje dhe puthje për fansat që e thërrisnin në emër.

Por në prapaskenë ishte një skenë komplet tjetër nga ajo që pamë.

Elvana vendosi që pas finales të shkonte mbrapa kuintave dhe të mbyllej në një dhomë, duke i lënë kështu gazetarët në pritje pas dere për të marrë një deklaratë, sic ndodhi me Arilenën dhe Sarën që pozuan me kupën në dorë.

“Iconstyle.al” ka mundur të sigurojë një foto të gazetarëve duke pritur Elvanën të dalë nga dhoma.

Elvana nuk u shfaq as në Post Finalen e drejtuar nga Eni Shehu, ku përpos Arilenës, e vetmja nga këngëtaret që mori pjesë ishte Sara Bajraktari, e cila fitoi çmimin e tretë.