U arrestua për zhdukjen e 713 mln lekëve, Fullani padit në Strasbourg Bankën e Shqipërisë dhe Parlamentin

Ish-guvernatori i Bankës së Shqipërisë Ardian Fullani, ka paditur në Strasbourg këshillin mbikëqyrës së Bankës së Shqipërisë dhe Parlamentin për shkarkimin e tij.

Sipas gazetarit të Report TV, Arsen Rusta kjo padi është regjistruar tashmë dhe me 22 nëntor Gjykata e Strasbourgut ka sjellë pyetjet për Shqipërinë nëse janë respektuar procedurat ligjore.

Tre pyetjet që Strasburgu i drejton qeverisë shqiptare janë:

1. Në lidhje me gjetjet e gjykatave vendase, aplikanti mund të pretendojë se është viktimë e një shkeljeje të Konventës në kuptimin e nenit 34 (shih, për shembull, Kurić dhe të tjerët kundër Sllovenisë [GC], nr. 26828 / 06, 259-62, ECHR 2012 (ekstrakte), dhe Konstantin Markin kundër Rusisë [GC], nr 30078/06, § 82, KEDNJ 2012 (ekstrakte)?
2. A i ka shteruar aplikanti të gjitha mjetet juridike efektive siç kërkohen nga neni 35 1 i Konventës në lidhje me ankesën e tij për nenin 8?Në veçanti, kërkuesi kërkohej të paraqiste një ankesë kushtetuese në Gjykatën Kushtetuese, në përputhje me nenin 131 (f) të Kushtetutës dhe nenet 71, 71 / a, 76 dhe dispozitat e tjera përkatëse të Ligjit të Gjykatës Kushtetuese, të ndryshuar me ligj . nr. 99/2016?
3. Pa cënuar pyetjet nr. 1 dhe 2, ka pasur një shkelje të nenit 8 1 të Konventës?”

Kujtojmë që Ardian Fullani, ra në pranga në vitin 2014 me akuzën për vjedhje duke shpërdoruar detyrën pasi u zhdukën 713 milionë lekë të reja.

Më pas Këshilli Mbikëqyrës i Bankës së Shqipërisë votoi për shkarkimin e tij nga posti si Guvernator dhe u miratua nga Kuvendi.

Pas skandalit, ai u arrestua dhe më pas Gjykata vendosi masën e sigurisë “arrest shtëpie” edhe pse Prokuroria kërkoi 5 vjet burg, ndërsa vendimi i fundit i Apelit, më 23 dhjetor e shpalli të pafajshëm, ku Fullani mori si dëmshpërblim 56 paga me një vlerë prej rreth 42 milionë lekë të reja.

Më 2017 për këtë çështje Gjykata e Tiranës  dënoi si autorë të zhdukjes së 713 mln lekëve, 13 ish-punonjës të Thesarit të BSH, mes të cilëve edhe dy të pandehurit kryesorë për vjedhjen, Ardian Bitraj dhe Mimoza Bruzia, të dënuar përkatësisht 13 vjet dhe 10 vjet burg. Me 2 vite burg u dënua  kryeinspektorja e Thesarit të BSH, Elivar Golemi.