“Tre zyrtarë janë kërcënuar me jetë” ministrja Gjonaj paralajmëron ‘të fortët’: Gati struktura speciale…

Ditën e sotme ministrja e Drejtësisë Etilda Gjonaj bëri një deklaratë të fortë në një konferencë të zhvilluar përpara gazetarëve, ku u shpreh se tre drejtues të policisë së Burgjeve kanë marrë kërcënime me jetë.

Gjonaj nuk përmendi emra konkrete, por u shpreh që ata janë duke u ruajtur nga policia dhe nga një strukturë speciale që është krijuar me urdhër të ministres.

“Nuk mund të bëj te ditur institucioni emrat e drejtuesve. Një pjesë prej jush kanë publikuar raste të kërcënimit të drejtuesve të burgjeve, dhe kjo strukturë speciale do t’i mbrojë. Padyshim edhe Policia e Shtetit duhet të ofrojë mbrojtje”, u shpreh Gjonaj gjatë fjalës së saj.

Kujtojmë se pak kohë më parë u bë publik lajmi i kërcënimit të drejtorit të Përgjithshëm të Burgjeve Agim Ismaili.

Ai u kërcënua me jetë nga persona të paidentifikuar, nëpërmjet një mesazhi të dërguar në telefonin e tij celular.