Një ngjarje e rëndë ka ndodhur paraditen e sotme.
Mësohet se një efektiv i RENEA-s ka rënë nga gremina në zonën e njohur si Mali i Zorgjit në Dukagjin të Shkodrës.
Sipas informacioneve efektivi është Bledar Beluli, i cili ka rënë nga një lartësi e konsiderueshme, dhe ka dëmtuar të dyja këmbët.
Në momentin e ngjarjes ai ka qenë i vetëm.
Një grup i RENEA-s është nisur nga Tirana në mbështetje të Policisë së Shkodrës.
Nxjerrja e efektivit Bledar Beluli është e vështirë, pasi terreni ku ai ka rënë është i thepisur ndërkohë që pritet dhe ndërhyrja nga ajri.
