Në kohën që vendi po kalon një situatë të jashtëzakonshme dhe emergjente, ku qindra persona kanë mbetur të pastrehë për shkak të tërmetit shkatërrimtar 6.4 ballë të 26 nëntorit, ku mbetën të vdekur 51 persona dhe u plagosën mbi 900 të tjerë, kanë ardhur propozime të shumta se si mund të dilet nga kjo gjendje.
Një nga figurat e njohura që jep idenë e tij në lidhje me situatën është dhe ish-ministri i Financave Arben Malaj.
Malaj shprehet se qeveria mund të ketë një dëshirë pozitive por nuk po ndjek një strategji të mirë.
Sipas tij pronarëve të firmave të ndërtimit duhet tu bëhet bllokimi i menjëhershëm i llogarive të biznesit dhe tu bllokohet cdo shitje e pasurive personale të paduntshme.
Sipas tij ky veprim duhet të bëhet në mënyrë që ata mos të kenë mundësi të largohen apo të fshehin burimet financiare dhe Prokuroria të veprojë.
REAGIMI I ISH-MINISTRIT ARBEN MALAJ
Deshire pozitive e qeverise por strategji jo e mire. Cdo shtepi e demtuar duhet te vleresohet vetem nga strukturat ligjore. Firmat ndertuese nuk duhet te nderhyjne ne kete proces. Pronaret te firmave ndertuese te shtepive te shkateruara dhe te demtuara rende duhet tu behet bllokimi i menjehershem i llogarive te biznesit dhe personale dhe tu blllokohet cdo shitje e kompanive apo pasurive personale te patundeshme. Strukturat e pergjegjese evidentojne shkallen e demit, pregatisin preventimin e demtimeve dhe riparimeve potenciale. Kompanite perballojne financimin e kryerjes se punimeve. Vendimet per ngrirjen e llogarive dhe te mos kryerjes se veprimeve te shitjeve te pasurive personale dhe kompanive. Kjo qe ata te mos u largohen apo fshehin burimet financiare duhet ta bej sa me pare prokuroria. Urdheri i saj eshte i detyrueshme si per bankat private por edhe noteret, hipotekat dhe cdo zyre tjeter shteterore. Veproni sa me shpejte, jo ne panik, jo duke krijuar kosto shtese per asnje , por ata qe kane fituar miliona nga keto investime vdekje prurese duhet te paguajne minimalisht kostot financiare. Ne Australi Prokurori i Pergjithshem ka detyre ligjore te verifikoj kontratat e sigurimit te prones publike me kompanite e sigurimeve per te garantuar mbrojtjen e shtetit dhe taksapaguesve te tij.
