Janë komentuar dhe përfolur shumë gjatë në media, për një lidhje dashurie mes tyre, madje dhe janë ‘ngacmuar’ nga moderatore të ndryshëm në emisione.Bëhet fjalë për këngëtarin Butrint Imeri dhe moderatoren Kiara Tito.
Ata janë fotografuar shpesh në shoqërinë e njëri-tjetrit, mirëpo asnjëherë nuk i konfirmuan lajmet e lidhjes.
Në intervista të ndryshme, ata preferuan të mos flisnin për njëri-tjetrin ose vazhdonin të quheshin thjesht shokë.
Mbrëmjen e sotme, Butrinti ka zhvilluar një mini-intervistë me ndjekësit në Instastory, ku i është përgjigjur me video pyetjeve të tyre.
Sigurisht, nuk munguan pyetjet lidhur me Kiarën.
“Thuaje sonte çfarë ke me Kiara Titon ose hesht përgjithmonë”- i shkruan një ndjekës, të cilit Butrinti ka vendosur t’i përgjigjet:
“Kiara Titon e kam shoqen më të mirë nga Tirana”- ka treguar këngëtari.
