LIGJET E BIZNESIT
Një plagosje më armë zjarri ka ndodhur përpara pak minutash në Ksamil.
Mësohet se një person ka mbetur i plagosur edhe është në gjendje të rëndë për jetën.
Sipas informacioneve paraprake të policisë autori është 63-vjeçari Xhevahir Mema, i cili punon si coban dhe ka qëlluar me çifte nga një distancë e largët 73-vjeçarin Shyqyri Saliaj.
Ky i fundit është dërguar me urgjencë në spital, ndërsa dyshohet se ngjarja ka ndodhur aksidentalisht.
“Mendova se ishte ujk, prandaj e qëllova”, është shprehur Xhevahir Mema.
Të dy personat e përfshirë në ngjarje janë barinj dhe po kullosnin bagëtitë në zonë.
Policia ka mbërritur në vendngjarje dhe po heton mbi rrethanat dhe shkaqet e plagosjes.
