“Të mos humbasim kohë” Rama sërish ftesë Bashës: Të bashkohemi, jo për ne po për vendin

Mëngjesin e sotëm kryeministri Edi Rama ka mbledhur sërish qeverinë.

Ndër të tjera ai diskutoi për buxhetin e planifikuar për banesat të cilat janë të dëmtuara apo ato që janë të pabanueshme.

Rama i bëri sërish ftesë kryetarit të PD Lulzim Basha dhe u shpreh se ishte zhgënjyer që ai nuk e ka pranuar ftesën e djeshme.

“Më ka zhgënjyer fakti që lideri i opozitës nuk është bashkuar. Nuk e kuptoj qasjen refuzuese të opozitës për të mos u ulur në tavolinë. Dua t’i bëj thirrje edhe një herë për bashkimin konkret.

Mos t’i humbin kohë më shqiptarëve. Ky nuk është një bashkim për ne, por është për vendin për njerëzit. Prandaj unë po i bëj thirrje edhe një herë tjetër që të mos humbim më kohë. Unë e kam mbështetur fjalën e liderit të opozitës, por tani nuk duhet vetëm fjalë, por edhe vepra”, u shpreh kryeministri.