Fondacioni “Friedrich Ebert”, ka publikuar një studim për Shqipërinë ku rreth 43% e të rinjve kanë shprehur dëshirën për të ikur nga vendi.
Arsyet që i shtyjnë të rinjtë drejt këtij vendimi është papunësia, ekonomia dhe kërkesa për standarde më të larta jetese.
“Po studioj për infermieri të përgjithshme aktualisht dhe kam plane të iki në Gjermani. Ekonomia është shumë e ulët këtu, nuk jetohet. Një familje nuk mund të mbahet me një rrogë 400 ose 500 mijë lek në muaj”, shprehet një studente.
Ndërsa një tjetër thekson se, “Arsyeja e parë do të ishte papunësia ndërsa arsyeja e dytë ekonomia”.
Për shumicën e të rinjve, duket se vazhdon akoma e njëjta tendencë, ku destinacioni i preferuar mbetet Gjermania.
Sa i përket arsimit, 54% e të rinjve të intervistuar kanë pohuar fenomenin e korrupsionit në universitete.
Më shumë se gjysma e tyre janë shprehur se ndeshin vështirësi në gjetjen e një vendi pune pas përfundimit të studimeve.
“Vërejmë se 63 përqind e të rinjve të pyetur vlerësojnë se niveli i arsimit universitar, shkollor dhe profesional është i keqpërshtatur me tregu e punës. Pra nuk ka përputhje midis diplomave që marrin ato në këto nivele dhe tregut të punës”, thotë Geron Kamberi
Ata janë optimistë në lidhje me integrimin e Shqipërisë në Bashkimin Europian dhe reformën në drejtësi por shfaqen skeptik se këto reforma do të çojnë para përgjegjësisë persona me profil të lartë politik, raporton Ora News.
