SPAK nis punën kundër korrupsionit e krimit të organizuar, kush janë 8 anëtarët që u betuan përpara Metës (EMRAT)

Është zhvilluar sot ceremonia solemne e betimit përpara presidentit Ilir Meta e 8 anëtarëve të Prokurorisë së Posacme kundër Korrupsionit dhe Krimit të Organizuar.

Emrat që u betuan në institucionin e presidencës janë: Elida Kaçkini, Enkeleda Millonaj, Edvin Kondili, Behar Dibra, Arben Kraja, Klodian Braho, Ened Nakuçi dhe  Altin Dumani.

Pas ekzekutimit të himnit kombëtar dhe leximit të vendimeve të Këshillit të Lartë të Prokurorisë, duke vendosur dorën mbi Kushtetutën e Shqipërisë, prokurorët u betuan para Presidentit Meta: “Betohem solemnisht se gjatë kryerjes së detyrës do t’i qëndroj kurdoherë besnik Kushtetutës së Republikës të Shqipërisë, ligjeve në fuqi dhe do të respektoj rregullat e etikës profesionale!”.

Në ceremoni e betimit ishin të pranishëm edhe Kryetari i Kuvendit, Gramoz Ruçi, Avokati i Popullit Erinda Ballanca, Anëtarja e Gjykatës Kushtetues Vitore Tusha, Kryetarja e Këshillit të Lartë Gjyqësor Naureda Llagami, Kryetari i Këshillit të Lartë të Prokurorisë, Gent Ibrahimi, Ambasadori i Delegacionit të Bashkimit Europian, Luigi Soreca, përfaqësues të Ambasadës së Shteteve të Bashkuara të Amerikës, të OPDAT-it, misionit EURALIUS V dhe anëtarët e KLP-së.

Nga an tjetër edhe presidenti Ilir Meta i ka uruar suksese dhe punë të mbarë prokurorëve të Prokurorisë së Posaçme kundër Korrupsionit dhe Krimit të Organizuar, që sapo kanë nisur detyrën e tyre të re.