Situata pas tërmetit/ Basha mbledh sot ekspertët, ja kush janë dhe çfarë do diskutohet

Pas situatës emergjente që është shkaktuar në vend për shkak të tërmetit të 26 nëntorit, kryetari i Partisë Demokratike Lulzim Basha do të mbledhë sot ekspertët e emergjencave civile, inxhinierë, arkitektë dhe ekspertë të fushave të sizmiologjisë dhe ndërtimit.

Sipas njoftimit të shtypit të PD, mësohet se në orën 18.00, kryedemokrati do të zhvillojë në selinë blu një takim me ekspertë të emergjencave civile; me inxhinierë, arktitektë dhe ekspertë të fushës së ndërtimit; ish drejtues në nivel qendror dhe lokal te emergjencave civile dhe institutit te ndertimit; ish – kryetar bashkie, ish-prefektë, etj.

Tematika e takimit është marrja e ekspertizës më të mirë nga ekspertët, me qëllim që tu vihet në ndihmë qytetarëve të prekur nga tërmeti – Si është menaxhuar situata nga autoritetet, çfarë mungon dhe duhet të bëhet urgjent, si dhe vlerësimi i mënyrave më të mira për të kapërcyer situatën dhe për të ndihmuar normalizimin e gjendjes.