Shqiptari i pafat në mes të Anglisë, e arrestojnë dy ditë pasi nisi ‘punën’ (EMRI)

Një shqiptar është dënuar me pesë muaj burgim në Angli.

Ai është shpallur fajtor për prodhim kanabisi.

Sipas informacioneve shqiptari kishte pak ditë që kishte mbërritur në mënyrë ilegale në Angli por ata që e sollën e futën direkt në “punë” duke i kërkuar që të kujdesej për kanabisin e mbjellë.

Ngjarja ndodhi në Coventry, dhe sipas CoventryObserves, shqiptari Kleris Bregasi ra pranga vetëm dy ditë pasi u kujdes për bimët narkotike.

Aksioni u krye nga disa oficerë me rroba civile, që panë dëmtime në derën e shtëpisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kur u futën brenda, ata gjetën 53 rrënjë kanabisi, me një vlerë tregu prej 14 mijë sterlina.

Kur u intervistua, shqiptari tha se sapo kishte ardhur dhe se e kishin paguar 40 sterlina për punën që bënte. Ai tha se kishte hezituar të bënte punën e kërkuar në fillim, por u vendos nën persion për shkak se ata që e sollën, e dinë ku jeton familja e tij në Shqipëri.

Gjykatësi, teksa i dha dënimin, i tha se pavarësisht kohës së shkurtër, ai kishte ofruar mbështetje për një nismë kriminale.