Shqipëria merr zyrtarisht kryesinë e OSBE

Ditën e sotme ministri i Jashtëm në detyrë Gent Cakaj ka bërë me dije se Shqipëria tashmë ka marrë zyrtarisht kryesinë e OSBE.

I ndodhur aktualisht në Bratislavë, kryeqytetin e Sllovakisë, Cakaj e ka zbuluar lajmin e madh nëpërmjet një postimi në rrjetet sociale.

Në Bratislavë po zhvillohet  dita e dytë e takimit të ministrave të jashtëm të OSBE-së, të cilit sot i është bashkuar dhe kryeministri Edi Rama.

“Sot në Ministerialin e OSBE-së në Bratislavë Shqipëria zyrtarisht merr Kryesinë e OSBE-së.”

“Pas një lobimi të fuqishëm dhe pas një pune kapitale përgatitore nga diplomacia shqiptare, një punë e përkrahur edhe nga aktorë të rëndësishëm evropianë, si në rrafshin politik e programatik ashtu dhe në rrafshin organizativ e logjistik, Shqipëria sot është krejtësisht e gatshme për të udhëhequr një Kryesi të besueshme, bashkëpunuese dhe efektive”, shkruan ministri në detyrë Gent Cakaj.