“Shqipëria drejt neo-diktaturës” Arben Malaj plas ‘b.ombën’: Ngrihet natën Rama dhe i çon mesazh Braçes, ja çfarë i kërkoi

Pasi u pezullua nga detyra si anëtar i Bordit të Bankës së Shqipërisë, ish-ministri i Financave Arben Malaj u paraqit sot në Komisionin e Ekonomisë.

Malaj e quajti pezullimin e tij si vendim “sulltanor” të kryeministrit Edi Rama.

Ai u shpreh se ka shërbyer me dinjitet dhe e bën të ndihet krenar përpara opinionit publik shqiptar.

Dër të tjera Malaj zbuloi se familja e tij është kërcënuar dhe ndodhet në SHBA dhe procedurat i ka bërë Arben Ahmetaj.

Por Malaj nuk u ndal këtu,  ai paralajmëroi se këtë vendim do ta dërgojë deri në Gjykatën e Strasburgut për të gjetur të vërteten dhe tregoi dhe zbuloi se Rama i ka dërguar Erjon Braces një mesazh natën për ta shkarkuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Neodiktaurat janë një rrezik i madh dhe ato po shfaqen në vendet ish-komunist. Në provojat e mia politike kam besuar dhe kam aplikuar faktin se transparenca është aleati më i madh i demokracisë, ndërsa ndarja e pushtetit është kolona strukturore. Gjatë 28 viteve gjatë ballafaqimit publik, i kam shërbyer publikut me integritet maksimal dhe akuzat tuaja janë të thjeshta për t’u hedhur poshtë. Kontributi im më bën krenar. Na atë copë letër thoni se i gjithë bordi nuk është aktiv sa i takon rritjes së kredibilitetit të Bankës së Shqipërisë. Unë nuk dua që të paralizohet bordi. I injoroj akuzat politike.

Nuk e kam merak do jem apo s’do jem anëtar i Këshillit Mbikqyrës. Në respekt të familjes time, sakrificat për mandatet e vështira deri në kërcënime familjare, sepse për të ikur familja ime në Amerikë procedurat i ka zbatuar Ahmetaj me ata që kërkuan të ikte urgjentisht se kërcënohej njësoj si familja e një profesori tjetër. Gjërat nuk janë kaq të lehta sa i shikoni. Ngrihet natën Edi Rama dhe i çon sms Erion Braçes shkarkoni Arben Malaj, jo jo, s’janë të lehta.”, u shpreh Arben Malaj gjatë fjalës së tij.