LIGJET E BIZNESIT
Policia ka dhënë informacion në lidhje me shpërthimin e fuqishëm që tronditi Lushnjen sot në mëngjes, ku si pasojë e hedhjes së një granate, mbeti i plagosur kryebashkiaku Fatos Tushe dhe sekretarja e tij Erisa Qalliu.
Edhe në informacionin e policisë konfirmohet se autori i ngjarjes është ish-shoferi i Kryetarit të Bashkisë së Lushnjes, Gëzim Saraçi.
NJOFTIMI ZYRTAR I POLICISE
Sot, rreth orës 09:00, në zyrën e Kryetarit të Bashkisë Lushnjë, dyshohet se është hedhur një granatë dore dhe për pasojë është dëmtuar Kryetari i Bashkisë shtetasi F. T. dhe sekretarja e Bashkisë, shtetasja E. Q., të cilët ndodhen në spitalin e Lushnjës, nën kujdesin e mjekëve
Nga veprimet e para hetimore dyshohet se autor i kësaj ngjarjeje është ish-shoferi i Kryetarit të Bashkisë, shtetasi G. S., i cili pasi ka hedhur granatën është larguar menjëherë nga ambientet e Bashkisë Lushnjë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Forca të shumta policie të Komisariatit të Policisë Lushnjë, të DVP Fier, Renea e FNSH e Fierit po krehin zonën, me qëllim kapjen dhe arrestimin e autorit.
Grupi i posaçëm hetimor, me Specialistë nga Departamenti i Policise Kriminale ne Policine e Shtetit dhe DVP Fier, nën drejtimin e Prokurorisë po punon për zbardhjen e plotë të ngjarjes.
