Shpërthim i fuqishëm me tritol në një pikë transferte parash në Tiranë

Një shpërthim i fuqishëm me tritol është shënuar orët e para të mëngjesit të sotëm në Tiranë.

Sipas informacionit të policisë lënda plasëse ka shpërthyer pranë një pike transferimi parash.

Për fat të mirë nuk ka persona të lënduar por vetëm dëme materiale.

NJOFTIMI ZYRTAR I POLICISE

Tiranë/Informacion Paraprak

Në orët e para të mëngjesit, në afërsi të murit rrethues të një objekti që shërben si pikë transferte monetare në pronësi të shtetasit P. K dhe në afersi të baneses në pronësi të po këtij shtetasi dyshohet të ketë shpërthyer lëndë plasëse duke shkaktuar vetëm disa dëme të vogla materiale.

Grupi hetimor, po vijon punën për sqarimin e rrethanave të ngjarjes, identifikimin dhe kapjen e autorit/ve.