“Shkrihen” Krimet e Rënda, ja kush janë prokurorët që do transferohen në rrethe (EMRAT)

Prokuroria e Krimeve të Rënda do të mbyllet pas fillimit nga puna të SPAK.

Kështu, Këshilli i Lartë i Prokurorisë ka miratuar transferimin në rrethe të prokurorëve të këtij institucioni.

Kreu i KLP, Gent Ibrahimi pohoi se me 19 dhjetor do të bëhet betimi i 8 anëtarëve të Strukturës së Posacme Anti-Korrupsion, e njohur ndryshe nga publiku i gjerë si SPAK.

“Më 19 dhjetor betohen 8 anëtarët e SPAK. 16 prokurorë nga ‘Krimet’ transferohen në tjetër vend. Sot transferohen në rrethe prokurorët e mbetur te ‘Krimet’” – tha mes tjerash Gent Ibrahimi.

Kështu në prokurorinë e Shkallës së Parë të Tiranë janë emëruar prokurorët, Arens Çela; Blerim Tominaj; Besim Hajdarmataj; Doloreza Musabelliu; Elisabeta Imeraj; Manjola Kajana; Vladimir Mara; Sonila Muhametaj; Pranvera Pustina.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ndërkohë, Artan Bajrami transferohet në Prokurorinë e Apelit në Tiranë, kurse Përparim Kulluri transferohet në Prokurorinë e Shkallës së Parë, Shkodër.

Eugen Beci transferohet në Prokurorinë e Shkallës së Parë të Korçës.

Beci dhe Kulluri janë shkarkuar nga vetingu, por nuk ka marrë vendim forme të prerë, ndaj është proceduar me transferimin e tyre.