Ditën e sotme policia e Beratit ka arrestuar një 44-vjeçar, pasi ka inskenuar një grabitje për të fshehur vjedhjen e kompanisë ku punonte.
Ai është Gentjan Mahmutaj, punëtor i një kompanie që tregton xhama në Berat dhe akuzohet se ka vjedhur 10 milionë lekë (të vjetra) në firmën ku punonte.
Mësohet se Mahmutaj për të mbledhur detyrimet te disa klientë të kompanisë ndërkohë që pronarit i ka thënë se disa persona të panjohur i kanë dalë përpara dhe i kanë marrë shumën prej 10 milion lekësh.
Menjëherë pas denoncimit të bërë në komisariat është zbuluar se Mahmutaj e kishte inskenuar grabitjen dhe paratë janë zbuluar në banesën e tij.
NJOFTIMI ZYRTAR I POLICISE
Nga Specialistët e Seksionit për Krimet u bë arrestimi në flagrancë i shtetasit:
G.M, 44 vjeç, banues në lagjen Kushtrim. Arrestimi i tij u bë pasi dyshohet se ka vjedhur shumën prej 1 milion lekë të reja, në automjetin e shtetasit R.K. Shuma prej 1 milion lekë, u sekuestrua në cilësinë e provës materiale.
Materialet i kaluan Prokurorisë së Rrethit Gjyqësor Berat për veprën penale “Vjedhja”, parashikuar nga neni 134/3 i Kodit Penal.
