Kryeministri Edi Rama ka vijuar me inspektimet e tij në zinat e prekura nga tërmeti. Pasditen e sotme ai ka vizituar Krujën dhe familjet e mbledhura në Thumanë, të cilat mbetën të pastreha pasi tërmeti u prishi shtëpitë.
I shoqëruar nga deputetja Eglantina Gjermeni dhe biznesmeni Behgjet Pacolli që u vetëofrua të dhuronte 1.5 milionë euro për të prekurit nga tërmeti.
Takimi u bë në një shkollë në Krujë dhe sapo është futur në sallën e palestrës, kryeministri ka kërkuar që të gjithë burrat të qëndrojnë në këmbë dhe të ulen gratë.
Pjesë nga biseda
Rama: Të gjithë burrat në këmbë, do ulen gratë
Gjermeni: Po e bërë këtë në krujë, bravo të qoftë.
Rama: Gratë punojnë
Gjermeni: Dakort, gratë punojnë (dhe ulet)
Rama: S’ka më, të gjithë burrat në kmëbë, gratë të ulen STOP!
Më pas i drejtohet deputetit Rrahman Rraja: Rrahman çohu Rrahman, hajdese do ulën gratë, jo burrat!
Rraja: Po, po u çova.
Kryeministri Edi Rama ditët e fundit ka inspektuar zonat e prekura nga tërmeti dhe ka vizituar shumë familje të prekur nga kjo fatkeqësi.
