LIGJET E BIZNESIT
Gjatë mbledhjes së jashtëzakonshme që zhvilloi mëngjesin e sotëm për situatën e krijuar pas tërmetit, kryeministri Edi Rama u shpreh se ai që do të ndërtojë vetë shtëpinë në fshat do të marrë 20 milion lekë në dorë nga shteti.
Por sipas Ramës, ata do të ndiqen me një supervizionim që të garantojë të gjithë parametrat.
“100% të qirasë për një vit për ata që nuk kanë strehë, 65% e njerëzve në nevojë hyjnë në ditët në vijim, ky proces Ogerta duhet ndjekur nga ti pavarësisht se bashkia Tiranë e ka përgjegjësinë direkte.
Thjesht një sy nga ana e qeverisë është i nevojshëm. Sot e vijim do të akomodohen të prekurit nga tërmeti i shtatorit. Të bëhet gati për shtëpitë individuale.
Për ata që janë në fshat dhe duan të ndërtojnë vetë shtëpitë t’u japim financim, mesatarisht 20 mln lekë të vjetra, pasi fitojnë kohë dhe nuk rrinë të presin të vijë dikush, por me një supervizionim që të garantojë të gjithë parametrat.
Shtëpitë individuale së bashku me komunitetin dhe shoqatat e solidaritetit, rruga tjetër me para në dorë për ata që paraqiten dhe duan të ndërtojnë vetë shtëpinë”, u shpreh kryeministri gjatë fjalës së tij në mbledhje.
