Rëndohet bilanci nga aksidenti tragjik në Rubik, 1 viktimë e 8 të plagosur (VIDEO)

Detaje të tjera kanë dalë nga aksidenti fatal me pasojë vdekjen që ndodhi mëngjesin e sotëm në Rubik.

Mësohet se një minibus i një agjencie turistike është përplasur me një mjet tip “Alfa Romeo”.

Si pasojë e përplasjes edhe më pas me barrierat mbrojtëse, makina është ndarë më dysh.

Nga aksidenti humbi jetën shoferi i mjetit Led Caka dhe u plagosën 8 pasagjerë në autobuzin që drejtohej nga shtetasi me iniciale K.M.

Të plagosurit ndodhen në spitalin e Mirditës dhe Kurbinit nën kujdes mjekësor jashtë rrezikut për jetën.

“Si pasojë e përplasjes ka ndërruar jetë drejtuesi i mjetit “Alfa Romeo” shtetasi L.C si dhe kanë marrë demtime 8 shtetas që ndodheshin pasagjerë në mjetin me drejtues shtetasin K.M.,të cilët janë dërguar në spitalin e Mirditës dhe Kurbinit dhe ndodhen nën kujdesin mjekësor ,”- thuhet në njoftimin e policisë.

Autobusi raportohet se po transportonte turistë nga Tirana në Brezovicë.

Grupi hetimor në vendngjarje punon për sqarimin e rrethanave të aksidentit.